BME – Schindler Azərbaycan şirkəti biznes idarəetmə sistemini Cubics Technology-dən sifariş etdi

BME-Schindler Azərbaycan şirkəti daxili biznes proseslərinin avtomatlaşdırılması və optimallaşdırılması üçün biznes həllini Cubics Technology şirkətindən əldə etmək qərarını verib. Buna səbəb Cubics şirkətinin təqdim etdiyi Cubics BMS adlı Biznes İdarəetmə Sisteminin BME-Schindler Azərbaycan şirkəti üçün maksimal dərəcədə uyğunlaşdırıla bilinməsi olub.

Şirkət rəhbərliyi xəbər verir ki, BME-Schindler Azərbaycan şirkəti üçün hazırlanacaq Cubics BMS həlli CRM müştəri bazası, çağrı mərkəzi, mühasibatlıq və maliyyə hesabatları, tapşırıqlar, məhsullar və xidmətlər, layihələr, anbar, təchizat, satış, sənəd dövriyyəsi, insan resurları və s. kimi modulları, habelə Android və iOS tətbiqlərini özündə birləşdirəcəkdir. Onu da qeyd edək ki, dünya üzrə əksər Schindler nümayindəlikləri SAP SE Biznes İdarəetmə Sistemini istifadə edir.

Bakı Mexanika va Elektronika MMC (BME) şirkəti, İsveçrənin Schindler Şirkətlər Qrupunun quraşdırma və texniki qulluq xidmətlərinin Azərbaycan Respublikası ərazisində rəsmi təminatçısıdır. Schindler Group 1874-cü ildə İsveçrənin Luzern kantonunda qurulmuş va hal hazırda Dünyanın bir çox ölkəsində təmsil olunan və 56 000-dən çox əməkdaşı olan bir dünya nəhəngidir. Hər gün Dünya üzərində bir milyarddan çox insanı daşıyan Schindler Group etibarlı lift va eskalator tədarükçüsü olub, keyfiyyətli xidmətin təminatcısıdır.

Cubics Technology 50-dən çox yerli şirkətlə əməkdaşlıq edən, müxtəlif fəaliyyət ilə məşğul olan şirkətlər və fərdi sahibkarlar üçün Biznes İdarəetmə Sistemi, kassa və satış sistemi və elekton ticarət həllərini təqdim edən texnoloji şirkətdir.